Vetrarstuð

 

Erik, Bylgja og Birkir voru í heimsókn hér í Brussel um helgina- alla leið frá Londres (svo þau eru eiginlega nágrannar okkar). Við skelltum okkur saman á myndasögusafn Brussel á laugardaginn (Belgar eru brjálaðir í myndasögur) og út að borða víetnamskan mat um kvöldið. Í miðri máltíðinni ruku stelpurnar út til að sjá vampírubíómynd. Þjónustustúlkurnar stóðu hissa yfir köllum og strákum með of marga aðalrétti og virtust velta fyrir sér hvað olli því að þær ruku á dyr (Tómas og Erik þorðu ekki að segja sannleikann, þ.e að þær ruku burt til að sjá Twilight). Á sunnudeginum skelltum við okkur á jólamarkað í Köln þar sem jólabarnið var líklega þýskt. Til þess að ljúka gleðihelginni elduðum við villisvín áður en stórborgarhjónin héldu heim. Í þetta sinn tók Erik bara 60 armbeygjur (mun betra en í sumar) og Bylgja tók sín sett með stakri prýði (var þó langt fram atvinnuarmbeygjunum hennar Hrefnu).

Helgina þar á undan vorum við annars í París þar sem KK keppti á fótboltamóti diplómatabarna og hunangsbangsa alls staðar úr Evrópu. Öllum til mikillar ánægju lenti ISB U12 í 2 sæti með jafnmörg stig og sigurliðið. Auðvitað var ekki hægt að sleppa því að kíkja á Monu Lisu (sem KK var búið að hlakka mikið til að sjá) og upp í Effelturninn.

 

Hörkustuð í Hurghada

Í mótmælaskini við haustið og loforð um belgískan vetrarkulda skelltum við okkur í arabíska vorið sem allir eru að tala um í Egyptalandi. Í Hurghada (sem er við Rauðahafið) tók á móti okkur meiri sumarvindur en vorhret - 28°og sól í heila viku á meðan við borðuðum hummús og drukkum Sakkarabjór.

Eina markmið ferðarinnar var að slappa af og ná sér í smá lit (einhvers konar brúnan lit í staðinn fyrir þennan gráa belgíska). Við náðum að uppfylla þessi metnaðarfullu markmið auk þess sem við syntum um kóralrif og spiluðum tennis, billiard og borðtennis. KK fór á úlfaldabak og allir fengu að prófa seglbretti. Hjördís setti m.e.a.s. andlitið í sjóinn. Við deildum hóteli með Hollendingum og Rússum.

 

 Heimamenn reyndu sífellt að tala við okkur rússnesku eða sænsku - en við svöruðum bara á frönsku. Hurghada-bærinn er reyndar sérstaklega ljótur. Í samanburði gæti Hamraborgin í Kópavogi farið á Unesco-lista.

Þegar við komum til baka til Brussel var komið haust (og þessir vitleysingar hræðru meira en að segja í klukkunni svo nú munar bara einum tíma á föðurlandinu og Belgíu) og laufin eru að flýja tréin. Okkur til mikillar skemmtunar fengum við Bubba vin KK í 4 daga heimsókn á meðan foreldrar hans voru í London. KK og Bubbi sýndu gríðarlega hjólabrettatakta og tóku Tómas með út að leika (myndir koma síðar).

Annars er Hjördís komin með iphone, svo hún mun víst ekki tala mikið við restina af fjölskyldunni næstu daga (hún átti sko ammæli). Það ætti þó að reddast þar sem Tómas var sendur út í búð í morgun að kaupa mjólk og ost. Í búðinni var gefið að smakka Grimbergen bjór og góðan ost - auk þess sem sem maður fékk 1,5 lítra af Grimbergen gæðabjór og glas ef maður keypti tvær venjulegar kippur. Að sjálfsögðu kom Tómas því heim með 4 lítra af bjór með mjólkinni - ekki slæmt að búa í Belgíu.