Hamingjusamasti staður á jörðinni

"Erum við komin?" var spurt 873 sinnum á leiðinni niður I-5 til Disney-lands. Ferðin tók um sex tíma og var svo sannarlega þess virði. Við fórum í nætur-sund í góðum hita á föstudagskvöld. Við sólarupprás hrópaði Kristinn Kári "gleðilegan Disney-dag" og við tóku tveir dagar af Disney-brjálæði.

Disney-land er geðveikt að mati Kristins Kára. Þegar við komum inn í garðin hittum við Mikka og Guffa - og fengum myndir af okkur með þeim síðarnefnda. Við fórum í fullt af tækjum. Kristinn Kári var pínu-hræddur við sumt, t.d. sjóræningjatæki sem honum fannst samt mest töff. Tómas komst líka í Magic Mountain - rússíbana sem hann heyrði fyrst um árið 1988. Á leiðinni heim heyrðum við bara Disney-lög og sáum fljúgandi Dúmbó-fíla þegar við lokuðum augunum. Við munum líka setja inn myndir af ferðinni á myndasíðuna.

Athugasemdir

[Da-Mixa (IP-tala skráð) 28.2.2007 kl. 09:03]

Mér finnst eitthvað óhugnalegt við að staðurinn sé hamingjusamur og hafi þ.a.l. tilfinningar. Hvað gerist ef hann fer í fýlu eða verður reiður? Hvernig á maður að geta varið sig fyrir brjáluðum skemmtigarði. Svo gæti hann orðið niðurlútur og ekki viljað gera neitt skemmtilegt.

[Láretta (IP-tala skráð) 28.2.2007 kl. 22:43]

hafiði séð Shrek2?? Kristinn Kári hlýtur að hafa verið alveg eins og Asninn á leiðinni til konungshallarinnar. Muhahaha geðveikt fyndið. Are we there yet??? Are we there yet??