4,2 en húsið stendur enn

Hver dagur er öðrum meira spennandi hérna við Flóann. Eftir að hafa opnað 2 dollara hvítvínið með fimmtudagsmatnum tók húsið að hristast - og það var ekki vegna feita fólksins á efri hæðinni, ónei. Fyrsti jarðskjálfi smáfjölskyldunnar í San Fran reyndist 4,2 á Richter. Enginn Suðurlands- eða Dalvíkurskjálfti en nokkuð sterkur svona upp á fimmtu hæð hérna á landfyllingunni.

Annars var barnið sent í ástandsskoðun í dag - það er skylda fyrir alla nýbúa. Það var potað í hann á alla kanta og allir krókar og kimar skoðaðir. Svo var hann sprautaður með hinum ýmsu bóluefnum svo Kanarnir smitist ekki af hvalveiðiáhuga eða kvefi. Barnið tók þessu nokkuð vel - og varð hinn sáttasti þegar hann fékk límmiða í staðinn fyrir fjórar sprautur, pot og hlust. Á laugardaginn verður skrúðganga í tilefni af nýja ári Kínverjanna (eða kannski þeir ætli bara að fagna 3. mars af krafti - hann kemur líka bara einu sinni á ári). Það er ár svínsins - arabavinir Tómasara eru missáttir við það.

Athugasemdir

[Jón Frímann (IP-tala skráð) 2.3.2007 kl. 08:06]

Þú getur sé mynd af jarðskjálftanum hérna. En ég er með jarðskjálftamælasíðu og er að fylgjast með erlendum mælum líka sem áhugamenn úti eru með.

[Þröstur (IP-tala skráð) 2.3.2007 kl. 14:09]

Flott grein um varnarmál Tómas. Þú gleymdir að nefna hvalbátana. Það er vel hægt að nota þá til að húkka erlenda kafbáta og annað slíkt.

[Da-Mixa (IP-tala skráð) 2.3.2007 kl. 22:34]

Takk fyrir hlekkinn sem hefur að geyma óróamælingar frá jarðsjálftasvæðum. Tíminn hefur aldrei liðið eins hratt. Ég er búinn að eyða svo miklum tíma í að stúdera þessi gröf að ég er orðinn alger graflax!

[ragnheiður (IP-tala skráð) 3.3.2007 kl. 00:08]

Sælar skvís, alltaf jafn gaman að kíkja á bloggið þitt....þú ert frábær penni Hjördís ;) Ohhhh hvað það er nice hjá ykkur að vera búin að panta ferð til Hawaii, hljómar alveg einstaklega vel ;)

Bestu helgarkveðjur úr Kópavoginum, Ragnheiður

[Láretta (IP-tala skráð) 4.3.2007 kl. 14:03]

jáhá, það er ekki nóg fyrir ykkur að vara í hita og sól þarna í sanfran hele daginn ,heldur þurfið þið að toppa þetta með sólarlanda-parasísarferð. Hvað mig varðar þá eruð þið stödd í paradís, jæja allavegana hvað hitan og veðri varðar. úff smá öfund frá húsmóðurinn sem gerir ekki annað en að skipta um kúkableyjur og telja uppá 10 til að halda sönsum yfir daginn. En það er aldrei lognmolla þar sem þið eruð (jarðskjálftinn sannaði það), hlakka til að sjá ykkur (mest þig hjödda mín) við næsta stopp.

[Sigrún Jónsdóttir, 4.3.2007 kl. 17:33]

Úff það er ljúft að láta sig dreyma um sól, Disney og Hawaí um þessar mundir þar sem hér er bara í fréttum hor, heilsugæsla og hiti af öðrum orsökum en sólskini:-(

Alltaf gaman að kíkja hér inn, hafið það alltaf sem best, Ásvallarflensuhorsgemlingarnir