Á leiðinni heim

Við enduðum ferðalagið okkar til Maui á því að fara í brimbrettatíma. Það er vafalítið eitthvað það skemmtilegasta sem við höfum gert. Dave, kennarinn okkar, og aðstoðarkona hans sögðu stöðugt "radical" og "awsome" og gáfu okkur fimmur hægri og vinstri. Við skyldum ekki helminginn af því sem þau sögðu, en nóg til þess að standa hverja ölduna á fætur annarri. Eftir sex frábæra daga á Maui, og meiri ananas en flest fólk borðar á heili ævi, flugum við til San Francisco til þess að þvo og pakka upp á nýtt. Á fimmtudaginn fljúgum við svo til Minneapolis á heim á leið á föstudag. Við verðum kominn á leiðarenda á laugardagsmorgun. Hlökkum til að sjá ykkur sem flest á næstu tveimur mánuðum. Miðað við vaktaplanið hjá Hjördísi þá gæti verið besta leiðin að ná á hana að slasa sig aðeins og mæta í Fossvoginn.

Fyrir áhugasama þá eru nýjar myndir á myndasíðunni.

Athugasemdir

[Da-Mixa (IP-tala skráð) 28.6.2007 kl. 22:49]

Ég veit ekki hvort ég hef tíma til að hitta ykkur í sumar, ég er svo rosalega mikilvægur maður. Í nýjum skóm. Fæ mér alltaf auka sósu. Komið þið ekki annars næsta sumar líka? Liggur eitthvað á? 

[Katrín (IP-tala skráð) 30.6.2007 kl. 00:21]

hey ég ætla að slasa mig svo ég hitti nú eitthvað á þig á meðan þú ert á klakanum