Skíðageðveiki og snjóbrettatöffari

Við lögðum í'ann til Lake Tahoe á föstudaginn kl. 17. Lentum í smáumferðarteppu og snjókomu og vorum komin á leiðarenda upp úr kl. 22 (tveimur tímum á eftir áætlun). Við skelltum okkur svo í skíði snemma á laugardagsmorgun. Kristinn Kári fór í snjóbrettakennslu hjá Henry, eða Hinriki eins og hann vildi kalla hann. Dómur kennarans var: Wow, Kristinn learned to board like a pro!!! og KK vildi helst ekki hætta - sem er gott þar sem við förum aftur eftir þrjár vikur. Skíðasvæðið í er yfir 2000 metra hæð með tugum lyfta og er í tveimur fylkjum (Kaliforníu og Nevada) sjá www.skiheavenly.com. Það snjóaði og snjóaði stóran hluta úr deginum en veðrið var stórfínt á milli trjánna. Allir skemmtu sér konunglega.

Þegar við vöknuðum á sunnudeginum var snjór yfir öllu - næstum metri í fjallinu og hálfur metri yfir Ragnari. Við (sem sagt Tómas) þurftum að grafa bílinn út og setja keðjur undir hann (í fyrsta skipti á ævinni). Við komumst þó á endanum burt - og hlökkum mikið til að koma aftur.

 

Athugasemdir

[Þröstur (IP-tala skráð) 4.2.2008 kl. 11:34]

Þessar Hondur komast allt..

[Kolla (IP-tala skráð) 4.2.2008 kl. 16:47]

Mér finnst kúl að þurfa að keðja upp bílinn sinn!!!!!

Knús knús

Kolla

[Láretta (IP-tala skráð) 5.2.2008 kl. 13:01]

ja hérna það er meira ævintýrið sem þið lendið í. Man nú eftir fyrstu snjóbrettaferðinni minni (og þeirri einu hingað til), Rúnar Gunnars fór 3 ferðir frammúr mér.....vííííí En þvílíkst stuð. Bestu kveðjur til allra

[Helga (IP-tala skráð) 8.2.2008 kl. 00:19]

þetta er bara eins og hér...... allt á kafi. Ég hefði þurft keðjur undir minn ,,Ragnar" í morgun þegar ég festi mig í Bogahlíðinni. Akut pabbahringing og hann reddaði málunum, sakna ykkar.

kv. Helga sem vonandi kemst í heimsókn í maí!!!!

[Katrín (IP-tala skráð) 10.2.2008 kl. 18:47]

keðjur!!!!!!! þið eruð að fíflast!!!!!

Alltaf gaman að fylgjast með ykkur